Zu beginn vom Jahr hets vili Wächsle geh uh ds Team isch es Zitli recht unstabil gsi. Its chöimer aber säge ds mr mit mänge neue Gsichter es tolls Grüppli bilde. Während dr Vorbereitigszit hei mr nis aui gegesitig guet chönne kennelehre so ds es guets Klima underenand herscht. Während de Trainings hei mir üs houptsächlech uf z Zämespil fokusiert, so ds mr für di kommende Matche als Gruppe funktioniere. Ih dr bevorstehende Saison wöi mir meh no uf d Persone einzel druf ihgah. Derbi tüe mir Spilerinne üsi eigete Sterchine usboue uh änand gegesitig bi de Schwächine understütze, so ds e starchi Leistig vom Team drus resultiert.

Trotz grossem Ehrgeiz steit bi üs aber d Freud uh dr Spass am Volleyball ah erster Steu uh mit dere Ihstellig und äre Kombination us „wöue uh möge“ werde mr mit grosser Vorfreud ih di Saison starte.