«Dis mal hei mir ir Schadauhalle dörfe spiele (heimmatch) dr 1.Satz het Thun recht guet u schnell chönne beende u het i 2 Satz scho chöne mit emene 1:0 starte!

Bim 2 Satz het Köniz  gueti pünkt gmacht u Thun chli druck gä. Es isch orecht spannend worde trotz kämpfe u viu taktik het Thun de satz o gwunne.

Geg schluss hei beidi Teams numau alles gä Thun het aber no viu meh zeigt u het sech so chönne dr Sieg 3:0 geg Köniz hole! Dr Match isch sehr spannend gsi aber o sehr anstrengend. Beidi Teams hei sehr viu isatz zeigt u ir Halle isches o sehr lut worde.» - Lorena

«Mir hei hüt am 19:30 ä Usswärtsmatch in Grosshöchstettä gha! Mir si 7 Personä gsi! Di erschtä zwöi Sätz si sehr guet gangä u mir si sehr konzentriert gsi. Im leschtä Satz si mir aber leider unkonzentriert worde, hei blödi Fähler gmacht u d Kommunikation isch nid so guet gsi. Es isch immer wi knapper worde u hei dr Satz fasch verlorä! Doch när si mir im Kreis zämä cho u hei üs gseit ds mir ds schaffä u ds mir üs müässä konzentriere, när hei mir ds o gschafft! Es isch zwar knapp gsi aber es isch när am schluss guet cho! Mir hei 3:0 gwunnä u hei somit iz 3 Pünkt meh. D Chance isch da für e guete Saisonabschluss uf em 1. Platz. Dadefür müässä mir aber di zwöi nächschtä Matchä mit em nä 3:0 gwinnä! Ds schaffe mir aber. D stimmig wärend em Match isch super gsi!»-Kim

«Dr Match gägä Frutigä isch i nähm klarä 3:0 vo üs beendet wordä. Wir hei vo Anfang a zeigt was wir cheu und hei eifach üsi Sach gmacht. Im 2.Satz sie wir chli unkonzentriert gsi aber hei o dört wieder ufgeholt und üses Ding dürä zogä. Im Service sie wir sehr konstant gsi und am Netz hei wir chli Druck ufbouä. Äs isch ä sehr coolä und spannendä Match gsi. Weiter so !»-Lena

«Mir hei am Sunntig Namitag es Uswertsspiel gege VBC Münsige gha. Dr erst Satz hei mer leider Knapp verlore. Hei aber när richtig chönne zeige für was mir da si. Mir hei praktisch kei Anspielfehler gmacht und durch das chönne Druck usüebe. Zudem hei mer ufem Feld guet komuniziert und es het ou paar sehr starchi Agriffe geh.

Dr Match a sich isch ziemlich lang gange, doch mir hei t Konzentration pautet und mir hei mit em ne Enresultat vo 3:2 für üs de Match chönne gwinne»- Inga

«Mir hei am 11.01. gäge Seftigen 3:1 gwunne. Es isch scho d Rückrundi gsi und drum hei mir üse Gegner scho kennt. Ds letschte mau hei mir 3:0 gwunne. Drum si mir sehr zuversichlich a dä Match. Eigentlech isches üs o zimlech guet glunge ussert im 2. Satz hei mir teilwis chli der Fokus verlore hei und ne ner o verlore. Aber i de restleche 3 Sätz hei mir eigentlech sehr guet gspiut.» - Eline

«Mir hei am Samstig Abe gäge z Thub b gspiut. Äs isch sehr guet für üs gloffe. Mir hei o fasch ke Service Fähler gha. D Gegner hei ziemläch Schwierigkeite ir Annahme gha. Mir hei mängisch chli äs Dürenang bim Gratis Ball System gha. Aber im grosse u ganze isch äs sehr guet gsi. Bim dritte Satz isches wieder mau chli knapp gsi, aber mir heis glich no gschafft. Mir si sehr glücklech das mir mit emenä Sieg id Ferie chöi Starte». - Malena

«Mir  findä ds mir a dä Youth - Volley Days sehr viu hei chönnä profitiere, da mir o gägä sehr starchi Gägner hei gspillt u dert hei mir richtig chönnä zeigä was mir chöi. Guet hei mir gfundä ds mir üs sehr guet gägäsitig hei understützt. Ds isch sehr wichtig. Klar hets es paar Sachä gä, wo mä hät chönnä besser machä vom spilä und o vom System här.  Insgesamt findä mir, hei mir e gueti Leischtig zeigt u hei ä gueti Chance de ar NSM Quali, mir müässä eifach vo Afang a immer parat si!

Für d NSM Quali settä mir üs immer vo Afang a konzentriere, üs gägäsitig witerhin understützä, guet kommunizierä u eifach aues gä, ds heisst o für jedä einzel Ball kämpfä u vouä Isatz zeigä, u nid ersch wenn di andärä scho über 20 Pünkt hei. Wichtig isch, o wenns mau schlächter geid vom spilä här u mir würk fasch bi jedem bau ä Fähler mache, de chöi mir ds numä wieder usä schaffä wenn mir zämä ä Lösig findä u ruhig blibä. U wenn mir eifach aui so spilä wiä mir chöi denn hei mir gueti Chance, mir chöi ds! Ds het mä o gseh wo mir gägä LEO Basel gspillt hei (ds 1. mau). We mir so spilä ar NSM Quali de schaffä mir ds! Mir fröiä üs!» - Kim und Ena

Kim Escher (2011)
Sarina Friedrich (2011)
Amelie Stücker (2011)
Ena Matic (2011)
Lorena Reusser (2011)
Malena Milelli (2011)
Lena Klein (2010)
Lena Stücki (2010)
Valentina Messerli (2010)
Kristijana Gojani (2010)
Nathalie Flückiger (2010)
Noée Tschabold (2010)

«Mir hend hüt am 6i der match agfange. Mir hei e sehr gueti stimmig gha u es het jede e guete isatz zeigt. Es isch e sehr guete match gsi u mir hend es sehr starchs niveau gha isch es Agriff Service oder Anahm. Mir hend üs guet gschlage u hei üs aus Team wider zeigt was mir aues druffe hend. Mir sie sehr glücklech u chöi mit em ne guete gfüehl id Abventszit ga» - Sarina

«Im 1. Satz hei mir scho am afang aues gä u üsi Taktik richtig chöne usfüehre. Spiez isch immer e chli im rückstand gsi. Abuzue isches sehr knapp worde u mir hei no meh müesse gä aus mir vo ihne hei erwartet. De 1. Satz hei mir aber guet gwunne u mir hei sehr guet gspiut mit isatz u energy!

Im 2. Satz simer guet gstarrtet u hei wieder aues gä! Spiez het o sehr guet gspiut u het chönne zum teil mit üs mit halte. De hei mir ner o gwunne u mit grossem vohrsprung.

Im 3. Satz hei mir d motivation chöne palte u hei nid nache gä. Bi de letschte pünk isches aber so knapp worde, ds mir würk langsam hei zwifflet, ob es de no a 4 Satz wird...Knapp u nach langem kämpfe hei mir ner geg spiez 3:0 gwunne!!» - Lorena

«Mir hei am Samstig Nami es Heimspiel gägä VBC Grosshöchstetten gah. Der Match isch sehr guet gloffe. Mir hei viel Druck am Service chöne mache. Da Genger ziemlech Schwierigkeite ir Annahme hei gah, sie viu Gratisbäll zrügcho u so hei mir ä guete Spielufbau chöne mache. Am Netz si mir sehr variantenrich gsi und mir hei mit viu Druck chöne Angriffe. So isches ä ziemlech churze Match gsi und mir si nach 55 Minute fertig gsi.» - Valentina

«Mir hei am Montag Abe e auswärts Match gege Spiez gha. Nachdem mir t Halle entlich gfunde hei isch aus gut glofe. Dr Match het kurzfristig Malte geleitet, da Gian e Lebensmittelvergiftung gha het. Mir hei mit Libero gespielt u dr Match isch sehr guet glüfe. Mir hei paar sehr schöne Angriffe u Annahme gha. We mir e Fehler gmacht hei hei mir uns zwar gad zwei drei Punkte la ga, jedoch hei mir uns ner gegenseitig wider chöne motiviere u hei uns so schnell wider chöne fange. Am Anfang hei mir au es paar Fehler gmacht wöu mir ni richtig mit enang kommuniziert hei, jedoch isch das gege z Ende ner kes problem meh gsi. Mir hei t Halle am Ende aus Sieger chöne verlah u hei 3:0 gwunne. Es isch e sehr e schöne Match gsi mit ere sehr schöne Stimmung u paar sehr schöne Ballwechsel.-Nathalie»

«Am Samstagmittag trat unser U20 1 gegen VBC Münsingen an. Trotz Autopanne von Bern nach Thun von Thays vor dem Match, gewannen wir 3:1.

Im ersten Satz hatten wir Startprobleme da VBC Münsingen gute Service hatte. Solange wir unsere Service brachten, war das Spiel ziemlich ausgeglichen. Wir spielten allerdings aggressiver und konnten den Satz zu 26:24 zu uns holen.

Im zweiten Satz starteten wir mit etwas wenig Selbstvertrauen. Aber wir blieben dran und gewannen ihn zu 27:25.

Im dritten Satz hatten wir leider weniger Kommunikation und hatten viele Eigenfehler; Wir verloren den Satz zu 23:25.

Im vierten Satz war unsere Kommunikation wieder besser und wir konnten mit dem Service Druck machen. Wir gewannen den Satz zu 25:16.

Zusammenfassend war es ein hart umstrittener Match, in dem wir gut wie auch etwas weniger gut spielten. Aber wir konnten noch viel lernen und uns um einiges verbessern. Wir haben viel aus diesem Match gelernt. Wie man so schön sagt: «Aus den knappen Matches lernt man am meisten.» Wir freuen uns schon auf den nächsten Match, um unser neu gelerntes anzuwenden.» - Chiara

«Mir hei hüt üse zwöit Match gha. Mir hei am 18:45 Uhr gäge Thun b gstartet. Für üs isches sehr gut glofe, mir si aui zum spile cho u hei das womer im Training glernt hei guet chöne umsetze. D Stimmig isch super gsi u somit heimer üse Sieg o richti chöne fiire. Mir fröie üs uf witeri gueti Spiu u schöni Momente im Team.» - Elin

«Mir si heute mit em ne Sieg it Saison gestartet. Dr Match het am 10:00 gege Seftigen gestartet. Dr erste Satz isch ziemlich guet glofe u mir hei mit em ne sehr guete Resultat I zweit Satz chöne ga. Nächher isches chli chaotisch worde u Seftige het aufgholt. Jedoch hei mir üs schnell wider chöne fange u hei wider aufgholt. Im dritte Satz isches ner aber wider guet gange u mir hei schlussendlich 3:0 gwunne. Mir hei sehr guet aus Team gearbeitet u wes gad ni so guet glofe isch hei mir üs gegenseitig chöne motiviere. Ausserdem hei mir di verschiedene sache wo mir im Training hei agluegt sehr guet chöne umsetze u so wideri Erfahrungen sammle.» - Nathalie

Unser Team blieb ziemlich dasselbe, ein paar Spielerinnen haben uns verlassen und ein paar neue sind dazu gekommen. Nicht nur unsere Team-Zusammensetzung ist neu, sondern wir haben auch System gewechselt, was uns lange beschäftigt hatte. Wir haben uns so gut wie möglich auf die Saison vorbereitet. Es war schwer die anderen Teams einzuschätzen, da wir letztes Jahr in der U17 gespielt hatten. Die Trainings waren meist sehr abwechslungsreich. Einmal kam ein Mentalcoach, unsere Eltern absolvierten ein von uns geführtes Training, sogar die Mittelblockerin der Schweizer Nationalmannschaft (Samira Sulser) kam uns besuchen und einmal machten wir einen Schiedsrichter Kurs mit Michael Kühne. Wir sind gespannt und freuen uns auf die bevorstehende Saison. - Eline