Hinten (v.l.n.r.): Lars (Trainer), Noemi B., Noemi J., Sophia, Michelle, Julia, Lou, Lara, Marcel (Trainer)
Vorne (v.l.n.r.): Giorgia, Anna-Lena, Fiona, Elena, Fabienne, Michèle, Jamina, Melissa, Lea
Es fehlen: Jane, Paula, Tim (Trainer)
Team
| Bader | Noemi | Mitte |
| Balmer | Lara | Aussen |
| Baumann | Jamina | Mitte |
| Beyeler | Elena | Pass |
| Bütler | Julia | Aussen |
| Fahrni | Jane | Aussen |
| Gottier | Michèle | Pass |
| Holliger | Michelle | Pass |
| Huber | Sophia | Aussen |
| Jost | Fiona | Aussen |
| Jost | Noemi | Mitte |
| Lesaj | Melissa | Mitte |
| Preuss | Paula | Mitte |
| Stanga | Giorgia | Pass |
| Utke | Lou | Pass |
| Wenger | Fabienne | Pass |
| Zbinden | Anna-Lena | Aussen |
Trainingszeiten
| Mittwoch | 18:30 - 20:00 Uhr |
| (jede dritte Woche in der O |
Trainer
Berichte Saison 2024/2025
Matchbericht vom 22.11.2024
VBC Thun - VBC Sotto-Simme 3:0 (25:13/ 25:13/ 25:23)Hüt isch dr Match gäge di zwöit platzierte Sotto Simmen ahgstande. Mir hei mit viu Druck vodä Gägnerinne grächnet u gwüsst, hüt müessemer vougas geh.
Mir si konzentriert ih erscht Satz gstartet u hei super i üses Spiu gfunde. Dä satz heimer o zimlech klar für üs entschide.
Im zwöte Satz hei mir mit super Ahspiu gstartet u so chöne Druck mache. U somit isch oh dä Satz ah üs. Im dritte hei mir üs chli lah drus bringe u hei üsne Gägner blödi Pünkt gschänkt. Nachem nä Timeout (womer wider chly wachgrüttlet si worde :)) hei mir aber wieder i üses Spiu chöne finde u
oh dä Satz gwunne.
Somit hei mir üse erscht Platz chöne vrteidige u witeri drü Pünkt hole.
Matchbericht vom 17.11.2024
VBC Spiez - VBC Thun 2:3 (22:25/ 25:20/ 25:22/ 20:25/ 6:15)Scho vo Afang ah si mir sehr motiviert ah Match härä cho wüu mir gwüsst hei es wird es Spitzespiu! Es isch eh herte Kampf gsi mit viu Ups and Downs wobi mir nere dr erscht Satz gwunne, di nächste zwöi verlore und schlussendlech mit füf Sätz hei chöne dr Sieg hei neh!
Mir si aui mega kaputt vom Match gsi aber oh sehr zfride mit üsere Leistig. Mir hei üs mega dörfe übere erscht Platz ir Tabelle fröie.
Matchbericht vom 15.11.2024
VBC Brienz-Meiringen - VBC Thun 0:3 (14:25/ 21:25/ 15:25)Am Fritiabee si mir uf Brienz gfahre. Mit gueter Stimmig und voller Motivation si mir ih dä Match gstartet. Mir hei vo Afang ah mit Druck im Aagriff chöne punkte. Und dank üsem Training vom Mittwuch si mir o uf di länge Bäu vo üsne Gegnerinne parat gsii;) Im letze Satz hei mir mit starche Service üsi Gegnerinne sehr unter Druck chöne setze. So hei mir üs nach knapp eire Stund mit witere 3 Pünkt scho wider ufe Heiweg gmacht!
Matchbericht vom 26.10.2024
VBC Thun - VT Langnau b 3:1 (25:15/ 17:25/ 25:5/ 25:18)Üse erst Heimmatch het gäge Langnau stattgfunde. Scho bim ihschlah hei mir gmerkt, das mir ihres Spiu guet wärde müesse läse. Im erste Satz hei mir üses Spiu guet a üsi Gägnerinne chönne ahpasse u hei dä somit gwunne.
Im zwöite Satz hei mir när müesse ufpasse, das mir glich üsi Leistig ufem Fäud chöi abrüefe. Langnau het chli ufträit u nach einige Annahmefähler und chli schlafe uf üsere Site hei mir leider dr zwöit Satz üsne Gägnerinne gschänkt.
Mir hei gwüsst, dass mir wieder müesse ufwache u das simer zum Glück oh! Nachere starche Serviceserie u paar guete Ahgriffe heimer uf dä Satzverlust mit 25:5 reagiert. Im letzte Satz isch de wider chli meh vor angere Site cho, gäge Schluss heimer de aber chönne dervozieh u üs di 3 Pünkt chönne hole.
Matchbericht vom 20.10.2024
VBC Seftigen b - VBC Thun 0:3 (7:25/ 25:27/ 7:25)Unser erster Match der Saison stand an. Wir hatten intensiv trainiert und waren deshalb zuversichtlich.
Beim ersten Satz konnten wir das Gelernte umsetzen und gewannen mit 25:7. Wir haben gut Druck gemacht und hatten fast keine Servicefehler.
Der zweite Satz war etwas knapper, aber trotzdem gewannen wir ihn mit 27:25. Wir hatten mehrere Anspielfehler und machten allgemein viele ärgerliche Eigenfehler.
Der dritte Satz ging wieder eindeutig an uns mit 25:7. Wir hatten eine lange Serviceserie die uns einen deutlichen Vorsprung verschaffte. Wir waren konzentriert als im zweiten Satz und konnten ihn so schnell beenden.
