Scho äm Morge äm achti heimer üs ready gmacht für dä Match. Dä Match isch üs scho vo afang ah sehr wichtig gsi da mir scho sit lengerem ufnä Sasionsieg hei gwartet. Da hei mir üs äm 8i äm Morge z Thun am Bahnhof troffe und hei üs mit em Zug ufe Wäg gmacht. Womer ir Haue si ahcho simer üs no id Garderobe ga ganz ready mache wüu när hetz gheisse izä giuz ärnst. Mir hei üs scho bim Ihspile sehr fokussiert und somit äs sehr ervougsrichs ihspile dürägfüehrt. Churz vorem Match hei mir no üse Fokus vom hüttige spiut gseit und denn isches de oscho los gange mit em Fokus das mir richtig viu druck äm Service wie mache. Äm Afang vom erste Satz heimer zersch no grad chli müessä dri cho und da hei mir mit dr zyt ahgfange z merke, wie das üsi gägner spile leider hei mir für richtig id dä Match ine z cho viu zu lang brucht äs si üs eifach mega viu fähler passiert, wo mir besser hätte chönne. Bi üs isch d Stimmig i däm Momänt nid so guet gsi da säch niemer meh gross über pünkt gfreut het. Leider hei mir dr erst Satz 25:14 verlore aber nichts desto trotz üs isch aunä bewusst gsi das mir das viu besser chöi aus das wo mir hiä izä grad zeigt hei.

Im zwöite Satz isch zu beginn immer no chli dr wurm dinne gsi viu fähler doch mir heis gschafft vo 12:19 wider ufzhole und somit dr Satz äm ändi no ganz knapp z chere so heimer dä Satz 27:25 gwunne. Nachdäm mir im Vorrhärige Satz no sone Rückstand wider hei chönne ufhole isch d Stimmig gsi wi no niä jede isch bi jedem Punkt ufgumpet und het gschroue wi no niä.

Und somit hei mir di Stimmt oh grad mitgno i dritt Satz oh hiä simer aber vo ahfabg ready gsi mit top Stimmig und somit heimer üs oh dä Satz ghout mit 25:22.

Izä simer im louf gsi äs isch hert gsi und d gägner si oh würk starch gsi aber mir hei üs nümme la gfaue mir hei dä Sieg wöuä hei bringe und das heimer oh so gmacht nämläch mit em nä souveräne 25:19. Ä sehr stark erkämpfte Sieg isch das gsi und äm ändi vom Match het mä eifach chönne säge:„ Äs het huerä gfägt!“