„Du hesch üs vo dusse TOP ungerstütz u bisch die 7. Frou ufem Spiufäud gsi! Zum guete Glück geids dir wieder besser u du hesch scho langsam wieder chönne mit trainiere starte.“

„Dr Volleyhuet verleiht Flüüügel!“

„Schön bisch du wieder mau derbii gsi! Du hesch im 2.&3. Satz je e top Isatz gha u wichtegi Pünkt gmacht. Usseerdem hesch du cool blocket!“

„Comeback geglückt!“

„Du hesch aui Bäu becho, wo eigentlich nüme spiubar si gsi u hesch die doch no verwandlet, du hesch super guet die Bäu verteidigt wo so abegheit si, tolli Service gha u bisch eifach e super Stützi für ds Team gsi.“

„Du hesch dr BIG SAVE vom Match gha im 4.Satz bi 24:23 für üsi Gägnerinne! Hesch souverän serviert u top Agriffe.“

„Du hesch paar gueti Blöck gha, e super Stimmig ufs Fäud bracht u wie immer vougas gäh!“

„Du hesch üs Sicherheit u Rueh ufs Fäud bracht, dini Rolle isch dir klar gsi u du hesch super serviert.“

„Du hesch üs im 1.Satz (uf bärndütsch gseit) dr Arsch grettet u dr nötig Schwung dribracht, damit mir dä Satz doch no hei chönne hole. Usserdem hesch du unbeschwärt Agriffe, too serviert u bisch oh ir Verteidigung präsent gsi!“

„Du hesch dr Ball super verteilt u immer dr Rueh bewahrt, wehs nötig isch gsi. Usserdem bisch du uf die 2. Ball super parat gsi.“

„Du bisch im Agriff e sichere Wärt gsi u hesch üs im 2.Satz mit dine super Service grettet!“

„Mir si am Afang gar ni guet i d‘Spiu cho, hei när aber vorwärts gmacht u drum dr 3. Satz oh nur no sehr knapp verlore. Du hesch mit dire Erfahrig Rueh i d‘Abwehr bracht, hesch aui sortiert u umegschobe u gluegt wie mir besser chöi stah, das mir de chöi punkte!“

„Du hesch mega guete Päss gspiut wo geng passt hei. U du bisch immer parat u da gsi füre 2.Ball, oh weh mir dir dä mängisch furt gno hei!“

„Du hesch super starchi Service gha! U uf dr Mitte wunderschön uf beidi Sitene abdrähit u näbem Block düre Löcher i Bode gschlage!“

„Mit dine präzise Päss und emne sehr guete Spielverständnis hesch du der Titu Spielerin vom Tag verdient! Dis gspüri für z Spiel und dini Fähigkeit schnell die beste Spielzüg z erkenne und umzsetze mache di zume unverzichtbare Mitglied ufem Feld!“

„Du hesch e mega Serviceserie gha im 2. Satz u so hei mir dä mit 9 Pünkt Rückstand no für üs chönne entscheide. Du hesch super usguulfe ir Mitti, was nid dini Position isch, u derte der eint oder ander schön Punkt chönne mache.“

Isch trotz dezimiertem Team e tolle Kampf gsi vo üs u mir hei nienienie ufgäh u a dä Sieg gloubt u ghout!

„Du bisch Endi vom 1.Satz igwächslet worde u hesch när gad super punktet, wie z.B. die zwe top platzierte Fintene! Augemein isch geng gad wieder viu tolli Energie ufs Fäud cho, nachdem nöii Spielerinne si igsetzt worde.“

„Agfüüret vo üsere Capitänin wo bravurös serviert het, hei mir e solidi Teamleistig zeigt, töfs überwunde u e super Stimmig gha!“